Во Нов Белград се случил брутален напад – маж со нож избодел 67-годишна жена во ходник на зграда на Булеварот „Арсенија Чарнојевиќ“, објави МВР на Србија. Инцидентот се случил вчера околу 13:15 часот во Блок 37, кога напаѓачот одзади ѝ нанел повеќе убодни рани додека се качувала по скалите.
Жртвата се здобила со повреди во главата и бутната коска, а ѝ е констатиран и пневмоторакс. Таа моментално е на интензивна нега во Клиничко-болничкиот центар, а лекарите ја следат нејзината состојба. Нападот се случил пред внукот на жената, кој бил присутен во ходникот во моментот на нападот.
Напаѓачот ѝ ја одзел чантата и побегнал, а српската полиција објави неговата фотографија со цел да го идентификува и пронајде.
