Шпанскиот фудбал е во длабока жал по трагичната бродска несреќа во Индонезија, во која животот го загуби Фернандо Мартин, 44-годишниот тренер на женскиот Б тим на Валенсија, заедно со три од неговите деца.
Несреќата се случила близу островот Падар, источно од Бали, кога туристички брод со семејство потонал. Жртвите се децата на возраст од 12, 10 и 9 години, додека мајката и најмладата, седумгодишна ќерка, преживеале. Се претпоставува дека бродот „КМ Путри Сакинах“ доживел технички дефект и се превртел поради лоши временски услови, а на бродот во моментот имало 11 лица, од кои седум биле спасени. Индонезиските власти сè уште бараат четворица исчезнати шпански државјани.
Семејството Мартин било познато во Валенсија по ресторанот и хотелот „Ел Косо“, а ова патување требало да биде нивно прво поголемо семејно патување.
Фудбалскиот клуб Валенсија изрази длабока тага и сочувство: „Длабоко сме шокирани од веста за смртта на Фернандо Мартин и три од неговите деца во трагична бродска несреќа. Во овој тежок момент, клубот изразува целосна поддршка и сочувство до семејството, пријателите и колегите на Мартин.“
