Тешка сообраќајна несреќа ја потресе канадската покраина Онтарио, откако 15-годишен малолетник под дејство на алкохол предизвика трагичен инцидент во кој животот го загуби 17-годишно момче.
Несреќата се случила во близина на Лондон, Онтарио, кога возилото во кое се наоѓале четири лица излетало од патот. Според информациите од полицијата на Онтарио (OPP), 17-годишниот патник починал на лице место од тежината на повредите, додека останатите патници со сериозни повреди итно биле пренесени во болница.
Истрагата утврдила дека зад воланот управувал 15-годишен малолетник кој возилото го управувал под дејство на алкохол, без возачка дозвола и со недозволено ниво на алкохол во крвта за млад возач.
Канадската полиција веднаш го уапси малолетниот возач и против него се поднесени повеќе тешки кривични пријави, меѓу кои за управување возило под дејство на алкохол со смртни последици, опирање и опасно возење со смртен исход, како и возење без возачка дозвола.
Поради Законот за малолетничка правда во Канада, идентитетот на 15-годишниот возач не се објавува во јавноста, а надлежните органи продолжуваат со детална истрага за сите околности под кои малолетникот дошол до возилото и алкохолот.
