Три сообраќајни инциденти низ Македонија завршија со апсење на возачи кои управувале возила под дејство на алкохол.
На 16 јануари во 17:00 часот, И.П. (43) од село Владиловци, општина Чашка, со „шкода“ со велешки регистарски ознаки излетал од регионалниот пат Велес–Извор, удријќи во бетонски столб на мостот на река Бабуна. Полицијата констатирала дека тој имал 2,45 промили алкохол во крвта.
Истиот ден во Валандово, полициски службеници го лишиле од слобода Т.К. (59), кој управувал трактор со 1,59 промили алкохол во крвта.
Следниот ден, на 17 јануари во 01:23 часот, во Гевгелија е уапсен С.С. (29) од село Корешница, кој со „ауди“ со демиркаписки ознаки бил сопрен при контрола и измерени му се 1,53 промили алкохол.
По целосно документирање на случаите, против тројцата ќе бидат поднесени пријави по член 297-а од Кривичниот законик за „безобѕирно управување со моторно возило“.
