Полицијата во Белград го лиши од слобода Г. М. (57), под сомнение дека извршил тешко кривично дело – обљуба над малолетно дете. Жртвата е неговата четиринаесетгодишна внука, која ја дала изјавата во присуство на нејзината мајка, со цел да се обезбеди безбедноста и заштитата на детето.
Осомничениот е задржан до 48 часа, по што ќе биде сослушан и ќе следува понатамошна истрага. Според досегашните сознанија, злоупотребата се случувала на неколку наврати, а случајот веднаш го презеде Вишото јавно обвинителство во Белград.
Поради возраста на жртвата, истражните органи преземаат сите можни мерки за заштита на нејзиниот интегритет, а изјавата се зема во присуство на психолози и експерти. Во Србија, законот предвидува исклучително строги казни за вакви дела, а кога има роднинско сродство или злоупотреба на доверба, казната може да изнесува од 10 години затвор до доживотен затвор.
Од самиот момент на пријавата, надлежните служби, вклучително и Центарот за социјална работа, обезбедуваат психолошка и социјална поддршка за жртвата, со цел таа да биде целосно заштитена и згрижена.
