Во старата чаршија во Охрид на 17.04.2025 година е пријавен случај на кражба на паричник, при што жртва е 24-годишен државјанин на Турција.
Според информациите од Министерство за внатрешни работи на Северна Македонија, по брза реакција и преземени мерки, полициските службеници го пронашле осомниченото лице во краток временски рок.
Станува збор за 44-годишна жена од Босна и Херцеговина, која е идентификувана како С.О. Одземениот паричник со пари е пронајден и вратен на сопственикот.
По целосно документирање на случајот, против осомничената ќе биде поднесена соодветна пријава, соопшти полицијата.
