Во еден ден на грчкиот полуостров Халкидики се случија две одделни трагедии – животот го загубија државјанка на Северна Македонија и државјанин на Србија.
Прво, 77-годишна Македонка беше извлечена од морето без знаци на живот кај плажата Метаморфоси во Ситонија. Таа веднаш беше пренесена во локалниот здравствен центар, каде што беше прогласена за мртва.
Неколку часа подоцна, 73-годишен Србин беше најден во морето кај плажата Полихронос во Касандра и исто така беше прогласен за починат.
Грчките власти спроведуваат одделни истраги за причините и околностите на двата инцидента, а телата ќе бидат испратени на обдукција.
