За време на прославата на Богојавление и традиционалното осветување на водите на старото пристаниште во Лимасол, светиот крст фрлен во морето исчезна откако лицето што го фатило, најверојатно, побегнало, јавуваат кипарските медиуми. Полицијата сега истражува дали станува збор за случајно губење или за кражба.
Според информациите, по завршувањето на церемонијата, последниот верник што го зел крстот во раце изјавил дека ќе го предаде на свештеното лице, но потоа го напуштил местото и неговата локација е непозната. Станува збор за дрвен крст, а властите преземаат активности за негово пронаоѓање.
Неочекувана ситуација се случи и во Аја Напа, каде што златниот крст фрлен од митрополитот се загуби на дното на морето. Над 30 верници скокнале во морето за да го извлечат, но безуспешно. Поради тоа, митрополитот фрлил и втор крст, овој пат дрвен, кој бил фатен од две лица. Подоцна, сепак, пронајден е и првиот, златниот крст.
Овие настани ја одбележаа традиционалната прослава на Богојавление на Кипар со неочекувани моменти и вмешување на полицијата, при што вниманието на јавноста беше свртено кон исчезнатиот свети крст во Лимасол.
