Седумнаесетгодишно момче е повредено синоќа во белградската населба Железник, откако било нападнато со нож од засега непознато лице.
Повредениот малолетник во текот на ноќта бил примен во приватна болница во Белград со расекотина во пределот на главата. Според неофицијални информации, тој им изјавил на лекарите дека бил нападнат додека се наоѓал во парк, каде му пришло непознато лице и го повредило со остар предмет.
Момчето навело дека не го познава напаѓачот и дека мотивот за нападот му е непознат. Повредата му била санирана, а според лекарите, тој се наоѓа надвор од животна опасност.
За случајот веднаш била известена полицијата, која извршила разговор со повредениот, додека надлежното обвинителство отворило истрага за утврдување на сите околности.
Полицијата интензивно трага по сторителот, а се очекува снимките од надзорните камери во близина на паркот да помогнат во неговата идентификација.
