Малолетник е тешко повреден откако бил физички нападнат од група други малолетници во двор на основно училиште во скопската општина Ѓорче Петров.
Според информациите од Министерството за внатрешни работи, случајот бил пријавен во СВР Скопје на 16 септември 2026 година околу 21:00 часот.
Според пријавеното, нападот се случил по претходна расправија, кога малолетникот бил физички нападнат од неколку други малолетници, од кои едниот му бил познат.
Во нападот, малолетникот се здобил со тешки телесни повреди.
Од МВР информираат дека се преземаат мерки за расчистување на случајот и утврдување на сите околности поврзани со нападот.
