Во белградската населба Јајинци се случила тешка сообраќајна несреќа во која учествувале три возила, а последиците се сериозни. Во сударот се повредени три лица со тешки телесни повреди, меѓу кои две жени и деветгодишно дете.
Според информациите од терен, несреќата се случила во вечерните часови, околу 19:20, кога дошло до силен судир на повеќе автомобили на прометна делница. Сведоци опишуваат дека сцената била хаотична, со значително оштетени возила.
Детето, на возраст од девет години, веднаш било пренесено на Универзитетската детска клиника во Тиршова, додека двете жени со тешки повреди биле згрижени и транспортирани во Ургентниот центар. Лекарите интензивно им укажуваат медицинска помош.
На местото на несреќата интервенирале четири екипи на Итната помош, кои брзо реагирале и ги згрижиле повредените, а сообраќајот бил привремено прекинат.
Во несреќата, според првичните информации, уште едно лице се здобило со полесни повреди. Полицијата извршила увид за да ги утврди точните причини и околности на судирот.
