Поетот, преведувачот, професорот и културниот дејец Тихомир Јанчовски почина вчера во Скопје на 58-годишна возраст, оставајќи длабок траг во македонската литература и културна сцена.
Неговото семејство соопшти дека последниот поздрав ќе се одржи денеска од 13:00 до 14:00 часот во капелата на градските гробишта Бутел во Скопје.
Веста за неговата прерана смрт ги шокираше пријателите, колегите и следбениците, кои на социјалните мрежи се простуваат од Тихо, истакнувајќи го како исклучителен човек и неверојатно талентиран автор на пишаниот збор.
Јанчовски ќе остане запаметен како личност која со својот труд и посветеност значително придонесе за македонската литература, преводите и културното образование.
