Во четврток во Хамбург, две лица загинаа на метро станицата Вандсбек Маркт, откако маж ја повлече жената на шините пред воз што доаѓал од спротивната насока.
Според првичните информации на полицијата и медиумите, жртвата е 18-годишна девојка која чекала воз во правец на центарот на градот. Сторителот, 25-годишен маж по потекло од Јужен Судан, се наоѓал одвоено од неа и одеднаш ѝ се приближил, ја зграпчил и ја влечел на шините.
Двете лица починале на лице место. Полицијата во моментов истражува и го третира случајот како сомнеж за убиство, а засега не е познат мотивот зад трагичниот настан. Според досегашните сознанија, сторителот и жртвата не се познавале.
