Полицијата во Крива Паланка поднесе кривична пријава против 36-годишен жител на градот поради сомнение за сторено кривично дело „загрозување на сигурноста“.
Според информациите, инцидентот се случил на 16 мај годинава по претходна расправија меѓу две лица. Во текот на конфликтот, пријавениот физички нападнал 54-годишен сограѓанин.
Како последица на нападот, оштетениот останал без воздух и се онесвестил.
Надлежните институции презеле мерки за расчистување на случајот, по што против осомничениот е поднесена соодветна кривична пријава.
