Домот се претворил во место на ужас: Дедо нападнал малолетно дете
Сериозен инцидент се случил вчера во скопската општина Гази Баба, каде што 65-годишен маж бил уапсен поради напад врз својот малолетен внук.
Според информациите од Министерството за внатрешни работи, настанот се случил околу 15:00 часот во семејниот дом, кога осомничениот И.С. (65) физички го нападнал внукот, при што употребил и остар предмет. По пријавата, полициски службеници од Единицата за интервентна полиција при СВР Скопје го лишиле од слобода осомничениот во 22:15 часот.
Малолетникот бил повреден, а надлежните служби веднаш биле информирани за случајот. За инцидентот е известен и јавен обвинител, кој ќе постапува понатаму.
Од полицијата соопштуваат дека по целосно документирање на настанот, против осомничениот ќе биде поднесена соодветна кривична пријава.
Истрагата за мотивите и околностите под кои се случил нападот е во тек.
