„ЗАТВОРОТ МУ БЕШЕ ПОДРАГ ОД НЕГОВОТО СЕМЕЈСТВО“ Мајката на убиениот ученик од „Рибникар“ разговарала со момчето убиец: „Сакал да убие повеќе луѓе“

Сузана Станковиќ Чикиќ, мајка на убиеното момче Андрија Чикиќ, изјави за РТС дека нема правда за десетте згаснати животи, раскажувајќи што ѝ одговорило момчето убиец на прашањата кои му ги поставила на судењето.

МОМЧЕТО УБИЕЦ ДВЕ НЕДЕЛИ ПРЕД 3 МАЈ ПОЧНАЛО ДА ГО ПЛАНИРА МАСАКРОТ ВО УЧИЛИШТЕТО

Откриено е дека инспирацијата ја нашол во масовното убиство во Колорадо, направил список со имиња на 15 врсници од „Рибникар“.

„НЕ СИ БОЛЕН, СЀ Е ТОА ДО ГЛАВАТА“

За време на изрекувањето на пресудата беа откриени ШОКАНТНИ пораки кои момчето убиец ги разменувало со родителите: „Навистина ме срамиш“.

Таа во емисијата „Око“ изјави дека нема правда за десетте згаснати животи, бидејќи никој нема да одговара за самото убиство, но дека е задоволна со осудителната пресуда за делата кои им се ставаат на товар на Владимир и Миљана Кецмановиќ.

– Кецмановиќи се виновни за сè што им се става на товар, бидејќи во текот на постапката беа изведени многу јасни и конкретни докази – смета мајката на настраданото момче Андрија Чикиќ.

Што кажал на судењето

Чикиќ наведува дека на судењето му поставила прашање на момчето убиец зошто го направил тоа, на што тој одговорил дека не знае да објасни, како и прашање врз основа на што го правел списокот со деца за отстрел, на што тој рекол дека го направил врз основа на тоа што биле „океј да пука во нив“.

– На прашањето зошто мислел дека е океј да пука во нив, не знаеше да објасни. Неговото чувство на неприфатеност не е реално, особено во одделението VII-2. Тоа го велат и неговите родители, бидејќи излегувал со другарите, разменувал пораки со нив на Вајбер, а му помагале кога не бил на училиште за да ги добие задачите – наведува Чикиќ.

Таа додаде и дека го прашала што мисли за другарите кои го посетувале и го сметале за најдобар другар, на што тој одговорил дека не мисли ништо посебно и дека тие „не му биле особено другари“, како и дека не знаел дека тие него го сметаат за најдобар другар, но сепак пукал во нив.

– Едно од тие момчиња е на лекување надвор од Србија, а другото по чиста случајност остана живо. Рече дека задоцнил тоа утро на училиште со намера да биде сигурен дека сите се внатре. Страшно е тоа што рече дека во еден момент се откажал од списокот и решил да убие што е можно повеќе луѓе – раскажува Чикиќ.

„Затворот му беше подраг од семејството“

Чикиќ нагласи дека на едно рочиште покажала разбирање за него, во желба да сфати што се случило со него тој ден, на што тој зборувал за односите со родителите, како и дека чувствувал притисок од мајката да биде најдобар, што, според неговите зборови, влијаело на неговото однесување.

– Шокантно ми е тоа што рече дека знаел оти на некој начин ќе биде казнет и затворен, но дека и покрај тоа сакал да го изврши ова дело, прифаќајќи ги последиците и сакајќи да биде затворен, бидејќи сакал да побегне од сите, па и од своето семејство. Затворот му беше подраг од семејството – вели Чикиќ.

Сузана Чикиќ, која е и психолог, им сврте внимание на училишните психолози да обрнат внимание и на децата кои се необично мирни, бидејќи момчето убиец не било проблематично дете, како и на учениците кои не се однесуваат во согласност со своите години и делуваат како тешко да се вклопуваат во друштвото.

Владимир Кецмановиќ осуден на 14 и пол години затвор, Миљана на 2 години и 11 месеци

Потсетуваме, Вишиот суд во Белград денеска ги осуди Владимир и Миљана Кецмановиќ на повеќегодишни казни затвор, родителите на момчето кое на 3 мај 2023 година во Основното училиште „Владислав Рибникар“ уби девет врсници и чуварот на тоа училиште, а рани уште шест лица.

Судот денеска му го продолжи притворот на Владимир Кецмановиќ, додека на Миљана Кецмановиќ ѝ ја продолжи мерката забрана за комуникација со малолетниот син. Тие исто така се обврзани да ги платат трошоците на постапката.

Владимир Кецмановиќ е прогласен за виновен бидејќи го обучувал синот да пука во стрелиште и надвор од него, како и затоа што не го обезбедил оружјето во станот на законит начин.

Кецмановиќи се осудени и затоа што грубо ја занемариле психичката и емоционалната состојба на својот син, бидејќи пропуштиле да му пружат психолошка помош и да го воспитаат, односно да го научат на разликата меѓу доброто и лошото.