Познатиот спортист и инфлуенсер Тоше Зафиров предизвика бура на социјалните мрежи откако сподели видео во кое тврди дека за малку избегнал физички судир со Кристијан Голубовиќ.
Во објавата, Зафиров саркастично истакна дека по години „сметки за расчистување“ конечно успеал да дојде до реванш и победа против Голубовиќ, додавајќи дека станува збор за шега.
„За малку избегната тепачка со Кристијан Голубовиќ. Конечно реванш и победа после неколку години,“ напиша Зафиров, потенцирајќи дека целата приказна е сатирична.
Тој дополнително објасни дека за оние кои не го познаваат Кристијан, станува збор за „навистина природно јак човек“ со кого има долга и бурна спортска и медиумска историја.
Иако станува збор за хумористична објава, видеото за кратко време стана вирално и предизвика бројни реакции. Фановите го поздравија неговиот потег, коментирајќи дека е одличен начин со доза на хумор да се „затвори старата приказна“ со мирен епилог.
Ситуацијата уште еднаш покажа дека Зафиров знае како да ја комбинира својата спортска кариера со духовитост и настапи што привлекуваат внимание во јавноста.
Видео:
