Претседателот на Србија, Александар Вучиќ, на отворањето на новата брза железничка пруга Белград – Суботица, испрати мрачна порака за глобалните случувања. Тој предупреди дека светот влегува во опасен период и дека сите големи сили веќе се подготвуваат за војна.
„Ќе биде сè потешко во светот, а и кај нас. Луѓето мора да знаат дека сите се подготвуваат за војна. А кога се подготвуваат, тоа значи дека таа и ќе се случи. Јас ви велам – ќе ја има,“ изјави Вучиќ, пренесува Telegraf.
Тој додаде дека глобалните сили веќе не се заинтересирани за разговори и дипломатија, туку исклучиво за конфронтација: „Не ги интересираат разговори и преговори. Ги копаат своите ровови и го чекаат почетокот.“
Оваа изјава доаѓа во момент на засилени геополитички тензии, кога Србија, според Вучиќ, мора да биде подготвена за сите можни сценарија.
