Вистински сообраќаен хаос предизвика превртен шлепер на хрватскиот автопат А1, кој ги поврзува Загреб и Дубровник.
Камионот се превртел така што зафатил две сообраќајни ленти, поради што автопатот бил целосно блокиран и сообраќајот во тој дел бил во прекин неколку часа.
Според досегашните информации, во несреќата нема повредени лица. Надлежните служби интервенирале на местото за отстранување на превртеното возило и расчистување на коловозот.
Сообраќајот на А1 бил нормализиран во текот на вчерашната вечер, по што возилата повторно можеле непречено да продолжат по оваа важна патна делница.
