Во брза и ефикасна оперативна акција, припадниците на Министерството за внатрешни работи на Србија, поточно Управата за техника и Службата за борба против високотехнолошки криминал, го уапсија 55-годишниот С.С. од Крагуевац. Апсењето е спроведено по директен налог на Посебното одделение за високотехнолошки криминал при Вишто јавно обвинителство во Белград, поради постоење основано сомневање дека извршил сериозно кривично дело загрозување на безбедноста.
Според официјалните информации од српското МВР, осмничениот преку својот профил на социјалната мрежа Фејсбук објавил застрашувачка видео-снимка. Во видеото, додека во рацете мафтал и демонстрирал остар нож, Тој упатил директни и отворени закани по животот и му се заканувал со смрт на претседателот на Република Србија, Александар Вучиќ, како и на главниот и одговорен уредник на весникот „Информер“, Драган Ј. Вучиќевиќ.
Специјализираните полициски единици со брза реакција и високотехнолошка идентификација успеале за многу кратко време да го лоцираат осомничениот директно во неговиот дом. На снимките од самото апсење се гледа како полицијата изненадувачки упаѓа во куќата и го изведува мажот со лисици на рацете, целосно бос, по што веднаш го внесуваат во полициско возило. При претресот бил пронајден и одземен и самиот нож со кој беа упатени језивите закани.
На осомничениот С.С. му е одредено полициско задржување во траење до 48 часа. Во рамките на овој законски рок, тој заедно со соодветна кривична пријава ќе биде спроведен на сослушување во надлежното обвинителство, додека надлежните органи продолжуваат со преземање на сите дополнителни мерки и активности во согласност со законот.
