Од јануари 2026 година, жените во Србија ќе можат да заминат во пензија на 64 години, со минимум 15 години работен стаж, најави директорот на Фондот ПИО, Реља Огњеновиќ.
Покрај тоа, од декември ќе започне зголемување на пензиите за 12,2 проценти, како дел од новите мерки за модернизација на системот. Огњеновиќ објасни дека старосната граница за жените ќе се зголемува за два месеци секоја година, со цел до 2032 година да се изедначи со границата за мажите.
Новата дигитализација на ПИО фондот ќе го олесни процесот на добивање на пензија, со помалку документи и побрзо донесување на одлуките, што е дел од напорите за модернизирање на системот.
