Студентска солидарност пред македонската амбасада во Белград, 75 минути молк: „Оние кои љубат секогаш се многу побројни“ (ВИДЕО)

Студентите кои денеска протестираа во Белград пред Амбасадата на Македонија, оддадоа почит за 15-те загинати при падот на натстрешницата во Нови Сад, како и за жртвите од трагичниот пожар во дискотеката во Кочани. Протестот започна со молк кој траеше 75 минути, а заврши со зборовите „Слава им“.

Студентите положија венци и запалија свеќи пред амбасадата, а во овој чин им се придружија и граѓани кои оставија цвеќе и запалени свеќи. Македонските дипломати излегоа да ги поздрават собраните.

Пред амбасадата беше истакнат транспарент со натписот: „Не бевме сами, бидејќи оние кои љубат секогаш се многу побројни“.