Најнови информации од Атинскиот геодинамички институт покажуваат дека земјотрес со јачина од 4,8 степени според Рихтер се почувствувал во јужниот дел на грчкиот остров Крит околу 00:33 часот.
Епицентарот бил регистриран во морето, на длабочина од 29,5 километри, во близина на западниот дел од островот. Засега нема пријавено повредени лица или материјална штета, пренесува „Катимерини“.
Крит е еден од најсеизмички активните делови на Грција и воопшто во светот, каде често се регистрираат земјотреси од различна јачина.
