Четириесетгодишен маж од Пљевља е тешко повреден денеска откако експлодирала гума од камион пред вулканизерска работилница.
Според првичните информации, несреќата се случила додека повредениот ја пумпал гумата, при што од засега неутврдени причини дошло до силна експлозија. Од силината на ударот, тој се здобил со тешки телесни повреди.
По укажаната прва помош во Општата болница во Пљевља, пациентот итно е пренесен во Клинички центар на Црна Гора за понатамошно лекување.
Директорот на болницата изјави дека пациентот има повеќекратни скршеници во пределот на карлицата и бутната коска, како и внатрешно крварење.
Полицијата и надлежните служби спроведуваат истрага за целосно утврдување на околностите под кои дошло до несреќата.
