Во голема и координирана акција на полицијата и Вишото јавно обвинителство во Белград, која од утринските часови е во тек, запленета е исклучително голема количина психоактивни таблети.
Според досегашните информации, акцијата се спроведува на територијата на Белград, при што најголемиот дел од заплената е извршен во населбите Земун и Земун Поље. Токму на овие локации, полициските екипи откриле и одзеле повеќе од половина милион психоактивни таблети, што претставува една од поголемите заплени во последниот период.
Надлежните институции информираат дека претресите се уште траат и се вршат на повеќе локации, а акцијата е насочена кон откривање и разбивање на организирани структури поврзани со недозволена трговија со психоактивни супстанции.
Се очекува во текот на денот надлежните органи да излезат со дополнителни информации во врска со приведувања, пронајдени докази и натамошниот тек на истрагата, која ја води Вишото јавно обвинителство во Белград.
