Фотографии од плажата во Полихроно, Грција, повторно ја разгореа дебатата за практиката на „резервирање“ места со пешкири, столчиња и чадори уште во раните утрински часови.
Сликите, направени околу 7:20 часот, покажуваат дека голем дел од плажата веќе е зафатен со лични предмети, иако на нив во тој момент нема туристи.
Фотографиите беа споделени во Facebook групата „Грчка инфо“ со опис: „Добро утро од Полихроно. Во 7:20 нема место на плажа.“
Објавата предизвика бројни реакции и коментари од туристите, кои повторно го отворија прашањето дали е прифатливо со часови однапред да се оставаат пешкири и други предмети за да се обезбеди место на плажа, иако тие не се користат во моментот.
