На селската слава Свети Илија во селото Павловац, близу Врање, дојде до масовно труење со храна. Во изминатите 24 часа, 20 лица — од кои две деца на возраст од пет и 17 години — побарале помош во Здравствениот дом во Врање со симптоми на труење.
Шестмина, меѓу кои четири возрасни и двете деца, се задржани на болничко лекување, но сите се во стабилна состојба. Случајот го истражува и Заводот за јавно здравје во Врање, кој бил веднаш информиран за настанот.
Причината за труењето засега не е официјално потврдена, но се претпоставува дека е поврзана со храната сервирана на настанот. Се очекуваат резултати од анализите за да се утврди точниот извор на интоксикацијата.
