Триесет и петгодишен маж е тешко повреден откако бил нападнат со нож во гаража во Нов Белград.
Според информациите од белградската Итна помош, нападот се случил околу 00:59 часот во гаража на улицата „Д-р Иван Рибар“. Мажот се здобил со тешки повреди во пределот на вратот и градниот кош, по што итно бил пренесен во Ургентниот центар.
Бурната ноќ во Белград ја одбележала и сообраќајна несреќа на Ада Циганлија. Околу 1:55 часот, во близина на бензинска пумпа во правец кон Обреновац, во несреќа полесно бил повреден 40-годишен маж.
Екипите на Итната помош во текот на ноќта имале вкупно 130 интервенции, од кои 19 на јавни места. Најголем дел од интервенциите на јавни површини биле поврзани со лица под дејство на алкохол и физички пресметки.
За медицинска помош најчесто се јавувале хронично болни и онколошки пациенти, како и повозрасни граѓани со проблеми со дишењето.
