Јелена Карлеуша и нејзиниот поранешен сопруг Душко Тошиќ повторно се во центарот на вниманието, откако нивните последни заеднички појавувања поттикнаа гласини дека можеби повторно се зближуваат.
Сè започна откако Душко се појави на настапот на Карлеуша заедно со нивните ќерки. Во еден момент тој со рацете ѝ покажа срце, додека Јелена му посвети емотивна песна, по што на социјалните мрежи веднаш започнаа шпекулации за можно помирување.
Дополнително внимание привлече признанието на Карлеуша дека по подолго време добила порака од поранешниот сопруг.
– Дури и поранешниот сопруг ми испрати порака: „Да цркнам, така?“ По долго време ми пиша, а јас му одговорив: „Да“ – раскажа Карлеуша, зборувајќи за реакцијата на Тошиќ на стиховите од нејзината песна „Сад је све океј“.
По оваа изјава, фановите дополнително ги разгореа гласините за нивниот однос, особено затоа што двајцата во последниот период неколкупати биле заедно на семејни собири со своите деца.
Сепак, Душко Тошиќ јавно ги демантираше шпекулациите дека повторно се заедно.
Тој објасни дека на роденденот и настапот на Јелена бил од почит и како поддршка на личност со која поминал голем дел од животот и со која го поврзуваат заедничките ќерки.
Тошиќ нагласи дека повеќе не се сопружници и дека неговото присуство не треба да се толкува како љубовно помирување.
