Министерството за национална економија и финансии на Грција објави дека новата регулатива, која стапи на сила од понеделник, ги укинува трошоците за подигање готовина од банкомати на грчки банки. Ова значи дека од банкоматите на банките кои се дел од грчкиот банкарски систем ќе може да се подигнуваат пари без провизија.
За банкоматите на трети страни, односно на банки кои не се дел од грчкиот банкарски систем, е воведен максимален лимит на провизија од 1,50 евра за секое подигање.
Дополнително, регулативата предвидува:
- Нула провизија од банкоматите на сите банки кои учествуваат во грчкиот меѓубанкарски систем.
- Укинување на трошоците од трети страни кога постои капитална врска (директна или индиректна) со банката на клиентот.
- Нема провизии на места каде што има само еден банкомат.
- Бесплатна проверка на состојбата по сметка, без разлика од која банка е картичката.
- Забрана банките да наплаќаат провизија на своите клиенти за подигање готовина.
Министерот Кирјакос Пиеракакис истакна дека оваа регулатива има силна општествена димензија и ја потврдува заложбата на државата за справување со „неправедни и прекумерни трошоци“, овозможувајќи слободен пристап на граѓаните до нивните пари без дополнителни финансиски оптоварувања.
За странците, тоа значи:
- Ако подигнуваат од банкомат на грчка банка, нема да плаќаат провизија.
- Ако користат банкомат на банка што не е дел од грчкиот систем, провизијата ќе им биде најмногу 1,50 евра.
Оваа мерка го прави подигањето пари во Грција поедноставно и поевтино, што е добра вест за туристите и сите кои имаат картички издадени надвор од Грција.
