Планирано е де факто признавање на окупираните територии преку „замрзнување“ на прашањето на 49-99 години.
Според Путиновиот помошник Јуриј Ушаков, Вашингтон претставил предлог за примирје што Москва го смета за „прифатлив“. Преговорите ги покренал специјалниот изасланик на Трамп, Стив Виткоф, јавува NEXTA.
Nexta пренесува дека полскиот медиум Onet тврди дека добил детали за предлогот:
- Прекинување на огнот меѓу Украина и Русија, но не и мировен договор
- Де факто признавање на окупираните територии преку „замрзнување“ на прашањето на 49-99 години
- Укинување на повеќето санкции наметнати на Русија
- Можно враќање на увозот на руски гас и нафта
- Нема гаранции за непроширување на НАТО
- САД нема да ја запре воената поддршка за Украина
Покрај тоа, Јуриј Ушаков најави дека рускиот претседател Владимир Путин и американскиот претседател Доналд Трамп ќе се сретнат во наредните денови.
„На предлог на американската страна во основа е постигнат договор за одржување билатерален состанок на највисоко ниво во наредните денови, односно, средба на претседателите Владимир Путин и Доналд Трамп“, изјави помошникот на Кремљ за надворешна политика.
Сè уште не е познато каде би можел да се реализира евентуалниот состанок.
Ушаков рече дека специјалниот изасланик на Трамп, Стив Виткоф, на средбата со Путин во среда спомнал можност за трилатерален состанок на двајцата претседатели со украинскиот претседател Володимир Зеленски.
