Мажот кој беше убиен синоќа во Заечар е жител на селото Звездан, а како што се дознава, работел како возач.
Според неформални информации, осомничениот за убиството што се случи во близина на Заечар, кој беше уапсен утрово, изјавил дека немал намера да го убие својот пријател.
„Тој имаше 46 години и работеше како возач во една приватна пекарница“, вели извор за „Курир“ и додава дека осомничениот по апсењето наводно изјавил: „Немав намера да го убијам пријателот“.
Како дошло до трагедијата?
Двајцата пријатели синоќа седеле во куќата на едниот од нив кога почнале расправија. Во текот на кавгата, едниот од нив извадил нож, најверојатно бајонет, и го прободел другиот во ногата.
– Ренетиот почнал обилно да крвари. Најпрво бил пренесен во болницата во Заечар – вели изворот и продолжува: – Пациентот беше донесен со убодна рана на ногата, при што, за жал, беше прободена главната артерија. Веднаш се обидовме да го санираме силното крварење во операционата сала во Заечар. Но, кога ја видовме тежината на повредата, во истата секунда беше донесена одлука итно да биде транспортиран во Универзитетскиот клинички центар во Ниш.
Починал во амбулантното возило
За жал, мажот починал на самиот влез во Ниш.
– Тој почина на патот до болницата, во возилото на Брзата помош, веднаш штом го поминаа селото Малча. Само неколку минути го делеа од влез во операционата сала, но му немаше спас. Повредата беше таква што искрвари до смрт – објаснува изворот.
