Дваесет и двегодишен маж од Грција се наоѓа во критична и животно загрозувачка состојба, откако на 13 ноември за време на дружење со пријатели проголтал цел бургер без да го џвака – несериозна шега што завршила со тешки последици.
По инцидентот, младичот веднаш бил пренесен во болницата „Г. Гениматас“ во градот Кропи, каде што лекарите утврдиле дека претрпел сериозни оштетувања на витални органи како последица на ненадејната и опасна опструкција.
Во моментот, тој е приклучен на апарати за дишење и се наоѓа на Одделението за интензивна нега, каде медицинските тимови се борат да ја стабилизираат неговата состојба. Лекарите истакнуваат дека состојбата му е крајно тешка.
Овој настан уште еднаш укажува на тоа дека ваквите импулсивни и опасни „шеги“ можат да имаат сериозни последици и да загрозат човечки живот.
