Во селото Завидинце во Србија се случи страшен вооружен напад, при што две лица загинаа, а уште две беа повредени. Полицијата брзо го уапси осомничениот за нападот, јавува Nova.rs.
Според првичните информации, напаѓачот пукал со огнено оружје кон татко и син. М. Л. (44) бил убиен на самото место, додека неговиот татко бил тешко ранет. Идентитетот на другото убиено лице и на едно повредено лице сè уште не е официјално потврден.
Жителите на Завидинце се во шок и страв. Според нив, нападот ја потресол целата заедница, а на почетокот кружеле разни непроверени информации за случувањето. Некои мештани споменуваат дека осомничениот можел да биде сосед на семејството, но мотивот засега останува непознат.
Полицијата засега го блокирала селото и спроведува увид и претрес на теренот. Местото на трагедијата е обезбедено со силни полициски единици додека се преземаат сите потребни мерки за целосно расветлување на случајот.
