Двајца бугарски државјани, осудени во Велика Британија за шпионажа во корист на Русија, се ослободени од затвор и веќе се депортирани од земјата, пренесуваат британските медиуми.
Станува збор за Вања Габерова и Иван Стојанов, кои биле пуштени на слобода откако ја издржале задолжителната половина од изречените затворски казни.
Габерова во мај 2025 година беше осудена на шест години затвор, додека Стојанов доби казна од пет години и три недели.
На нивното предвремено ослободување реагираше истражувачкиот новинар Христо Грозев, кој беше една од целите на шпионската мрежа.
Случајот привлече големо внимание во Велика Британија, бидејќи групата беше обвинета дека собирала информации и извршувала активности во интерес на руските разузнавачки служби, при што меѓу потенцијалните цели биле новинари, јавни личности и други лица од интерес.
