Подготвуваме голем пакет за пензионерите, изјави претседателот на Србија, Александар Вучиќ. Тој ги најави новите мерки за време на своето обраќање на шестата изборна седница на собранието на ПУПС (Партија на обединетите пензионери на Србија).
„Сакам да бидам сигурен дека секој човек ќе може да си го дозволи лекот што му е потребен и дека никој поради тоа нема да трпи или да страда, туку дека ќе може да ужива во животот, да им се радува на своите деца, внуци и семејството, и да ги помине своите години на најубав можен начин“, изјави Вучиќ.
Тој најави дека државата подготвува голем пакет мерки наменет за граѓаните, пред сè за пензионерите.
„Подготвуваме еден голем пакет и верувам кое дека во најголем дел ќе го претставиме на 27 и 28 јуни на собирот во Белград. Верувам дека граѓаните ќе бидат многу задоволни“, рече претседателот.
Нема да биде симболична помош
Како што нагласи Вучиќ, не станува збор за занемарливи суми:
- Не се работи за пакет во кој некој ќе добие илјада или две илјади динари.
- Станува збор за значително повисоки износи кои во голема мера ќе придонесат за подобрување на животниот стандард на пензионерите.
- Мерките се планирани да имаат и краткорочен и долгорочен ефект.
Говорејќи за општествените поделби, тој оцени дека одредени структури се обиделе да ја нарушат меѓугенерациската солидарност во земјата.
