Претседателот на Србија, Александар Вучиќ, најави дека исплатата на новиот пакет државна финансиска помош ќе започне од 1 септември, а средствата ќе бидат префрлени на сметките на пензионерите, борците и другите категории граѓани.
При посетата на Лапово, Вучиќ изјави дека исплатите ќе започнат за околу месец и половина и изрази уверување дека граѓаните ќе бидат задоволни од мерките што ги подготвила државата.
Новиот пакет беше претставен кон крајот на јуни и има за цел да го подобри животниот стандард на граѓаните.
Најголем дел од средствата се наменети за пензионерите, а висината на еднократната помош ќе зависи од висината на пензијата. Според најавите, пензионерите со најниски примања ќе добијат 35.000 динари, оние со пензии до просечната вредност 27.500 динари, додека пензионерите со повисоки примања ќе добијат 20.000 динари.
Со пакетот се опфатени и други полнолетни граѓани, како и лица кои се дел од системот на социјална заштита. За најголемиот дел од постојните корисници, исплатата ќе се реализира автоматски, без потреба од дополнително пријавување.
Според најавите на српските власти, првите исплати треба да започнат на почетокот на септември.
