Државниот пазарен инспекторат (ДПИ) најави засилени вонредни инспекции во сите трговски објекти низ државата за време на „Блек Фрајдеј“ продажбите. Целта на овие контроли е да се обезбеди заштита на потрошувачите од нечесни трговски практики и да се проверува дали трговците ги почитуваат законските обврски при нудење попусти.
Од ДПИ апелираат до сите трговци да обезбедат фер и транспарентни пазарни услови. Секое доведување на потрошувачите во заблуда или измамничко дејствување ќе биде санкционирано согласно законските прописи.
Во исто време, инспекторатот ги повикува граѓаните да пријават секоја неправилност на телефон 191 или преку веб-страницата www.dpi.gov.mk, за да се спречат злоупотреби и да се заштити правото на потрошувачите да добијат вистински и чесни попусти.
