Данската влада воспостави специјална ноќна смена во Министерството за надворешни работи, со цел континуирано следење на изјавите и активностите на американскиот претседател Доналд Трамп. Познат како „ноќна стража“, овој систем функционира секој ден од 17 часот до 7 часот наутро, а по завршување на смената се подготвува деталeн извештај кој се доставува до владата и релевантните државни институции. Извештајот ги опфаќа сите активности и изјави на Трамп според европско време, овозможувајќи прецизно следење на неговите постапки и намери.
Овој систем е воведен по дипломатскиот спор со САД околу Гренланд во пролетта, кога Трамп изрази интерес за американска контрола над арктичкиот остров. Данските медиуми истакнуваат дека „ноќната стража“ е дел од адаптацијата на данската дипломатија на новите околности и вториот мандат на Трамп.
Извор од Министерството за надворешни работи објаснува дека временската разлика и чувствителноста околу Гренланд биле главни причини за воспоставување на оваа смена. Наместо постојано проверување вести на телефони, Министерството воспоставило „координиран напор“ за систематско следење и ефикасно информирање на владата, објави британскиот Гардијан.
