Иран одби да учествува во втората рунда мировни преговори со Соединетите Американски Држави, објави државната новинска агенција ИРНА, дополнително влошувајќи ги односите меѓу двете земји.
Според Техеран, одлуката е донесена поради, како што наведуваат, „претерани барања“ од страна на Вашингтон, нереални очекувања и постојани промени во ставовите. Дополнително, иранските власти ја посочуваат и трајната поморска блокада како еден од клучните фактори за одбивањето на дијалогот.
Од друга страна, Donald Trump најави дека нова рунда разговори сепак е планирана, при што американската делегација треба да ја предводи потпретседателот J. D. Vance.
Во интервју за Fox News, Трамп испрати остра порака до Иран, предупредувајќи на можни сериозни последици доколку не се постигне договор.
„Ако договорот не се постигне, целата земја ќе биде разнесена. Ќе им ги уништиме мостовите и нивните електрани“, изјави тој.
Тој додаде дека САД подготвуваат напади со невидена сила, нагласувајќи дека Вашингтон нема да дозволи Иран да развие нуклеарно оружје.
И покрај острите закани, американскиот претседател повтори дека на маса е „фер и разумен договор“ и изрази надеж дека Иран сепак ќе ја преиспита својата одлука.
