Американскиот претседател Доналд Трамп најави сериозен одговор на Исламска држава (ИСИС) по смртта на двајца американски војници и еден цивилен преведувач во напад во сирискиот град Палмира. Тројца други американски војници се повредени за време на операцијата, соопшти Пентагон.
„Ова беше напад на ИСИС врз САД и Сирија во многу опасна област на Сирија која не е целосно под контрола на сириската влада. Сирискиот претседател Ахмед ал-Шара е исклучително лут и загрижен поради овој напад. Ќе следи многу сериозна одмазда“, напиша Трамп на социјалната мрежа Truth Social.
САД имаат стотици војници распоредени во источна Сирија како дел од меѓународната коалиција против ИСИС. Иако Исламска држава беше поразена во 2019 година, нејзините „спијачки ќелии“ продолжуваат да вршат напади во регионите кои не се под целосна контрола на сириската влада.
Минатиот месец, Сирија се приклучи на меѓународната коалиција против ИСИС и го подобри односот со западните земји по падот на претседателот Башар ал-Асад, кога бунтовниците ја презедоа неговата позиција во Дамаск. Сирискиот претседател Ахмад ал-Шара минатиот месец оствари историска посета на Вашингтон и се сретна со Доналд Трамп, што ја означи новата фаза на дипломатски односи меѓу САД и Сирија.
