Млада девојка од Скопје сподели вознемирувачко искуство во фејсбук група, тврдејќи дека била несоодветно допирана од непознат маж во автобус на линијата „31“.
Според нејзината објава, инцидентот се случил во понеделникот, кога мажот се качил во автобусот кај градинка и во еден момент ја допрел. Таа информира дека случајот веќе го пријавила во полиција.
Девојката дополнително наведува дека истиот човек повторно го забележала и следниот ден во истиот автобус, по што се симнал во близина на амбуланта.
Во објавата, таа побара помош од граѓаните доколку некој го препознае лицето, а упати и апел до родителите да внимаваат на своите деца, особено во јавниот превоз.
Случајот отвора сериозни прашања за безбедноста на патниците во јавниот превоз, додека се очекува надлежните институции да преземат соодветни мерки и да го расчистат настанот.
