Времето во Македонија денеска ќе биде променливо облачно, со повремени сончеви периоди, а во одделни котлини ќе постојат услови за појава на утринска магла. Ќе дува слаб до умерен ветер од јужен правец.
Утринските температури ќе се движат во интервал од 2 до 9 степени, додека дневните максимални ќе достигнат од 11 до 15 степени.
Во Скопје се очекува слична временска состојба, односно променливо облачно време со повремени сончеви периоди. Ќе дува слаб ветер од променлив правец, а температурата во утринските часови ќе се спушти до 7 степени. Во текот на денот максималната температура ќе достигне до 14 степени.
Според најавите за следните денови, Македонија ја очекува период на релативно топло време, но тоа нема да помине без повремени врнежи. На некои места ќе има локален дожд, додека во одделни котлини и понатаму ќе се создаваат услови за утринска магла.
Особено во петок се очекува промена во воздушните струења, кога јужниот ветер ќе засили и повремено ќе достигнува силен интензитет.
Позначителна промена на времето се најавува за недела. Тогаш, поради продор на постудена воздушна маса од север, ќе настапи заладување на времето низ земјава. Истовремено, се очекува и стабилизирање на временските услови, а ветерот ќе дува со слаб до умерен интензитет.
Ова значи дека по неколкудневниот период со релативно високи температури и повремени врнежи, од недела Македонија ја очекува навлегување на постуден воздух и пад на температурите.
