Северна Кореја повторно ја подигна тензијата во регионот откако испали балистички ракети кон исток, потврдија извори од Јужна Кореја и Јапонија.
Според информациите, ова е седмо ракетно лансирање од страна на Пјонгјанг оваа година и дури четврто во текот на април, што укажува на засилено темпо на воени активности.
Јапонскиот министер за одбрана Шинџиро Коизуми изјави дека станува збор за повеќекратно лансирање, при што проектилите најверојатно паднале надвор од ексклузивната економска зона на Јапонија.
Воените власти на Јужна Кореја соопштија дека ракетите се движеле во источен правец, но засега не откриваат дополнителни детали за нивниот дострел или тип.
Експертите сметаат дека Пјонгјанг ја користи глобалната геополитичка ситуација во своја корист. Професорот Лим Еул-чул оценува дека фокусот на САД кон кризата со Иран ѝ отвора простор на Северна Кореја да ги засили своите нуклеарни и ракетни програми.
Овие тестирања се сметаат за прекршување на резолуциите на Совет за безбедност на ОН, кои ја ограничуваат ракетната програма на Северна Кореја. Сепак, Пјонгјанг ги отфрла овие ограничувања, тврдејќи дека тие го нарушуваат неговото суверено право на самоодбрана.
Инцидентот дополнително ја зголемува загриженоста за безбедноста во регионот и можноста за нова ескалација на тензиите во Источна Азија.
