Украинскиот претседател Володимир Зеленски откри дека последниот телефонски разговор со американскиот претседател Доналд Трамп бил најпродуктивен од почетокот на нивната комуникација.
„Тоа беше веројатно најдобриот разговор што сме го имале – најконструктивен и со најмногу реални резултати,“ изјави Зеленски, потенцирајќи дека централна тема биле прашањата за воздушната одбрана, особено испораката на американскиот систем „Патриот“.
Зеленски му се заблагодарил на Трамп за досегашната поддршка и истакнал дека Украина и понатаму се надева на американска помош во борбата против руската агресија. Изјавата доаѓа во време кога Киев се соочува со засилени напади и е во потрага по нови средства за заштита на цивилната инфраструктура.
