Неверојатна трагедија ја погоди Виена – ноќниот клуб „Вилаџ“, омилено место за балканската забава, целосно изгоре во вторник околу 1 часот наутро. За среќа, во моментот на пожарот клубот бил затворен, па нема повредени лица.
Пожарот предизвика вистински хаос: на терен беа распоредени 23 противпожарни возила и 88 пожарникари, но огнот целосно ја уништи зградата, а дел од објектот дури се урна.
„Вилаџ“ беше познат по настапите на најпознатите фолк пејачи од земјите од поранешна Југославија и беше центар на балканската забава во Виена. Менаџер на клубот беше Раде Лазиќ, поранешен ријалити ѕвезда и модел, кој го водеше клубот десет години.
Причината за пожарот сè уште не е позната, а истрагата е во тек. Клубот останува урнатина, а фановите и јавните личности изразуваат жал за загубата на култното место кое долго време беше срце на балканската забава во Австрија.
