Администрацијата на Трамп наводно формулира таен план за завршување на војната во Украина, во консултација со Русија, објави Axios, повикувајќи се на извори од двете земји.
Станува збор за план од 28 точки, инспириран од претходниот предлог на Трамп за прекин на огнот во Газа, кој се фокусира на „мир во Украина, безбедносни гаранции, безбедност во Европа и идни односи на САД со Русија и Украина“.
Специјалниот претставник на САД, Стив Виткоф, го води формирањето на планот и го дискутирал со рускиот претставник Кирил Дмитриев. Исто така, планот бил разгледан со украинскиот советник за безбедност на претседателот Зеленски, Рустем Умеров, претходно оваа недела во Мајами.
Белата куќа започнала да ги информира и европските претставници за предлогот, но засега не дала официјален коментар.
Во меѓувреме, Русија синоќа испрати 11 беспилотни летала кон Украина, при што беше погодена станбена зграда во Харков, вториот по големина град во земјата.
