Нов извештај открива дека Русија ја спроведува внимателно планираната хибридна стратегија на Западен Балкан, која не користи војска, туку политика, медиуми и црковни структури за да ги ослаби државите и да го блокира евро-атлантскиот пат на регионот.
Според извештајот, Русија ја користи секоја ранлива точка: поделени идентитети, кревки институции и поларизирани медиуми. Србија, Босна, Косово, Црна Гора, Албанија и Северна Македонија се „поле на игра“ за таа стратегија, каде секој конфликт или дезинформација може да прерасне во сериозна криза.
Србија функционира како главен канал за политички наративи и енергетско влијание, додека Босна и Херцеговина се соочува со постојани закани за парализа на државните институции. Косово, пак, е изложено на брзи тактички инциденти, а Црна Гора и Северна Македонија стануваат сцена за дестабилизирачки наративи и политички манипулации.
Извештајот предупредува дека следните месеци можат да бидат критични: синхронизирани пропагандни бранови, микро-кризи и политички ескалации може да ја турнат регионот на работ на хаос, а Европа да остане неподготвена за последиците.
Заклучокот е алармантен: Западен Балкан е фронт на современа хибридна конфронтација, и ако Европа не реагира стратегиски, овие проблеми може да се прошорат и во самиот центар на континентот.
