Евакуација на патниците од бродот Хондиус е во тек, откако на пловилото беше регистрирано смртоносно жариште на хантавирус, непосредно пред неговото закотвување во близина на Тенерифе.
Според Европски центар за превенција и контрола на болести, сите патници се третираат како контакти со висок ризик. Лицата без симптоми нема да се враќаат со редовни летови, туку нивните држави ќе организираат специјален транспорт, по што ќе следи задолжителна самоизолација.
Според Светска здравствена организација:
- Осум лица се разболеле за време на патувањето
- Потврдени се три смртни случаи (две лица од Холандија и едно од Германија)
- Кај шест лица е потврден хантавирус, додека два случаи се сомнителни
Сите патници првично се сметаат за високоризични, но нивниот статус може да се промени по детални медицински проценки во нивните матични земји. Приоритет за тестирање ќе имаат лицата со симптоми.
Во зависност од состојбата, заболените може да бидат хоспитализирани на Тенерифе или транспортирани со медицински летови.
Хантавирусот најчесто се пренесува преку контакт со глодари, а пренос од човек на човек е исклучително редок. Здравствените власти уверуваат дека ризикот од пошироко ширење е низок.
Сепак, локалното население на Тенерифе изрази загриженост и организираше протести, нарекувајќи го бродот „брод-бомба“ поради страв од можна зараза.
