Војната меѓу Иран, Америка и Израел влезе во 38. ден. Претседателот на САД, Доналд Трамп, им порача на Иран дека има рок до вторник во 20:00 часот да прифати договор за примирје и да го отвори Ормускиот теснец, или во спротивно „ќе ја подигне целата земја во воздух“.
СПРЕМЕН ПЛАН ЗА КРАЈ НА ВОЈНАТА! Договорот мора да се постигне денес, во план се две фази: Трамп и Иран се подготвуваат за ГОЛЕМ ПРЕОКРЕТ.
НЕСТАШИЦА НА НАФТА, НЕСТАШИЦА НА СÈ! Луѓето панично купуваат, кесички за ѓубре, чепови и кутии се сè потешко да се најдат поради војната во Иран: „Цените веќе не се главниот проблем“.
Сè за војната меѓу Иран, Израел и Америка следете во нашиот блог во живо.
Хафа: Тела на четири жртви извлечени од рушевини на зграда погодена со иранска ракета Од рушевините на станбена зграда во Хафа, погодена со иранска ракета, извлечени се телата на четири жртви по 18-часовна операција за пребарување и спасување, отежната од неексплодирана боева глава која можела да предизвика дополнителна штета, соопштија израелските спасувачки служби.
Одговорот на Иран на мировниот план на Америка Портпаролот на иранското Министерство за надворешни работи, Есмаил Багеи, денеска изјави дека Техеран ги формулирал своите барања во светло на неодамнешните предлози за завршување на војната, но дека ќе ги објави во соодветен момент, истакнувајќи дека Иран нема да попушти под притисоци.
Ројтерс: Иран нема повторно да го отвори Ормускиот теснец за „привремено примирје“ Иран нема повторно да го отвори Ормускиот теснец во замена за привремено примирје, пренесе Ројтерс, повикувајќи се на висок ирански функционер.
AEOI: Нападот на иранската постројка за тешка вода е злосторство против науката и човечкиот живот Организацијата за атомска енергија на Иран (AEOI) денеска соопшти дека американско-израелскиот напад на иранската постројка за тешка вода претставува злосторство против науката и човечкото здравје, но истакна дека, покрај агресијата, ќе продолжи со научен напредок.
Десетици загинати во ноќните американско-израелски напади низ Иран Во американско-израелските воздушни напади на цели низ Иран, во ноќта меѓу недела и понеделник, загинале повеќе десетици цивили, вклучувајќи и шест деца, соопшти службата за односи со јавноста на иранската итна помош (EMS).
Иран нападна американски сили на островот Бубијан во Кувајт Американските сили стационирани на кувајтскиот остров Бубијан биле цел на ирански напад, изјави во видео-порака портпаролот на иранскиот Централен штаб Ебрахим Золфакари.
Ирански функционер: Трамповите закани можат да се сметаат за воени злосторства Заменик министерот за надворешни работи на Иран изјави дека заканите на Доналд Трамп дека ќе уништи електрани и мостови во Иран можат да се сметаат за воени злосторства.
Спремен план за крај на војната САД, Иран и група регионални посредници разговараат за условите на потенцијално 45-дневно примирје кое би можело да доведе до трајно завршување на војната, пренесе „Аксис“, повикувајќи се на четири американски, израелски и регионални извори.
Над 15 загинати во размена на оган меѓу Иран и Израел Најмалку 15 лица загинале во Иран и Израел во меѓусебни напади на силите на двете земји во претходната ноќ, вклучувајќи и шест деца под 10 години во воздушниот напад на Израел врз станбена зграда југозападно од Техеран.
Иранските медиуми тврдат дека делови од Техеран останале без снабдување со гас по нападот врз гасната станица на Универзитетот Шариф.
Цените на нафтата повторно растат Цените на нафтата пораснаа во неделата откако американскиот претседател Доналд Трамп закани со напади врз иранските енергетски постројки ако Ормускиот теснец не се отвори.
- Брент нафта се зголеми за 1,4% на 110,60 долари.
- Американската сурова нафта скокна за 1,8% на 113,60 долари.
Либан потврди пет жртви од израелски напад јужно од Бејрут Центарот за вонредни операции при Министерството за здравство на Либан соопшти дека „во напад на израелски непријател на подрачјето Џна јужно од Бејрут загинале пет лица, вклучувајќи 15-годишно девојче и двајца државјани на Судан“.
Трамп: Очекувам договор со Иран во наредните денови, не недели Американскиот претседател Доналд Трамп изјави синоќа дека очекува САД да постигнат договор со Иран во наредните денови, но не и недели.
„Ако се случи, ќе се случи. Ако не, ќе ја подигнеме целата земја во воздух. Како што реков, тоа ќе биде „ден на мостовите“ и „ден на електраните“ во Иран“, изјави Трамп, пренесува австралиската телевизија ABC News.
